Ein biézonder moment op de Groëte Prônkzitting: Veur zien groëte verdeenste veur ’t Venlose vastelaovesleed is Hannelore Winter door Vors Joeccius XI en zien Raod van Elf beneump tot Kommandeur in de Orde van de Zwalm.
’t Is d’n iërste kiër det ein vrouw gelaudeerd wuurt mit dees hoëgste Jocus ônderscheiding.
De Orde van de Zwalm woort ingesteld op 8 fibberwari 1879 en sinds oétgereik aan minse mit boétegewoëne verdeenste veur Jocus en de Venlose vastelaovend.Hannelore Winter stond as zestiën jäörig maedje veur ’t iërs op Jocusbuun tiédes de Leedjesaovend van 1959. Mit Meuderke Leef haolde Hannelore de derde plaats.
Ein haos ôntelbaar aantal kiër zông Hannelore vol euvergave zien leedjes. Later woort zeej auk aktief as teksschriéfster. Vanaaf 2004 schriéf Hannelore auk same mit eure zoon Laurence. ’t Jôngste leedje det in de priéze veel waas ’t Letste kletske det dit jaor de derde priés haolde op de Leedjesaovend.
Hannelore Winter is daomei 60 jaor aktief veur Jocus en de Venlose vastelaovend en meug mit rech de keuningin van ’t Venlose vastelaovesleed geneump waere.
