“Blierick Trap Aaf” belaof spektakel
31 okt 2018, 7:53 • Kunst & Cultuur
Wortelpin.
Op 17 november, d’n aovend det zeej aaftraeje, zulle Prins Bart II en zien Adjudante Joep en Roel, same met óg ’n fantastische aovend gaon belaeve in de Wortelekoel. Det wil zegge… as geej daobeej ziet!
Ein van de meist succesvolle popformaties van de jaore 70 en 80 is ABBA. De veurletters van de twieë liefdeskoppels, Agnetha & Björn en Anni-Frid & Benny, vormde de basis veur de bandnaam: ABBA.
ABBA is neet mier weg te dinke oet de meziekgeschiedenis. De wereldhits zien noow 40 jaor later nog steeds immens populair. En daorum prissentere weej óg Abba Fever de beste ABBA-tribute band van Europa.
De Duitse zangeres Helene Fischer bringk ouk wereldwied fantastische nummers op de buun en tiedes Bliërick Trap Aaf zal ’n döbbelgangster ‘n Helene Fischer Tribute bringe.
Verder zulle d’r ’n aantal lokale artieste wie Coen Janssen en de Liedjesmatineewinnaars met eur nieje Blierickse Liedjes optraeje. De Blierickse hofkepel en de bekinde Roojse Hofkepel zörge veur de muzikale umliesting van de aovend.
Blierick Trap Aaf wuurt ’ne geweldigen aovend! Dae meugs se neet misse!
Entreekaarte à € 15,-. zien verkriegbaar beej Peters Cabooter in de Kloeësterstraot en digitaal via de bestelknoep op www.wortelepin.nl
Wortelpin.
Loading
