In ein sfeervolle editie zaoterdaagaovend beej de liedjesaovend van “Vastelaovesgezelschap De Wortelepin” is ’t liedje ” Vastelaovend, det bis dich!” op de iërste plaats geëindigd. Alle 11 de liedjes woorde live gezónge vanoet ’t Raodhoes en ware ouk te volge via de live-oetzending van Umroop Venlo. ’t Winnende liedje wuurt gezónge door Marina Claessen. ’t Nummer is geschreve door Hannelore Winter en Laurence Winter. De meziek is van Jack Claessen. Met dees euverwinning wint Marina Claessen de wissel trofee “De Giel” verneump nao de veurmalige Vors Carotius Giel Geurts.
Op de twieëde plaats is ’t liedje “Hure en zeen” geëindigd, ’t liedje wuurt gezónge door Bart Janssen en Willy Billekens. ’t Is geschreve door Peter Jansen en de meziek is van Hay Geritz.
De derde plaats is veur “’t Kroegekoër” ’n liedje gezónge door Marc Houwen, Marion Nissen, Leon Theuws en Sandra Schattenkerk. ’t Is geschreve door Wim Roeffen alsouk de meziek.
Nummer veer in Bliërick: ”Wae zuut ze heej vleege?” is gezónge door Joep Bindels, Hans Wijhers, Han Spaaij en Jan Derijk. ’t Nummer is geschreve door Hannelore Winter en Laurence Winter, de meziek is van Wim Roeffen.
Alle winnaars gefilliciteerd en vuul plezeer met de optraejes in ’t kómmende Vastelaovesseizoen.
De winnende nummers zien vanaf medio november te beluustere via ós CD en via Spotify!
