“Wao zien we gister gewaes” winnaar van de liedjesaovend

Foto: © Wortelpin.

In ein sfeervolle editie van de liedjesaovend van “Vastelaovesgezelschap De Wortelepin” is gister ’t liedje ” Wao zien we gister gewaes” op de iërste plaats geëindigd.

Alle 11 de liedjes woorde live gezónge vanoet de studio van Umroop Venlo. ’t Winnende liedje wuurt gezónge door Willy Billekens en Bart Janssen. ’t Nummer is geschreve door Peter Jansen. De meziek is van Hay Geritz. Met dees euverwinning wonne Willy en Bart met euvermach “De Giel”, de nieje nao veurmalig Vors Carotius Giel Geurts verneumde trofee.

Op de twieëde plaats is ’t liedje “D’n hoëgen hood” geëindigd, ’t liedje wuurt gezónge door Joep Bindels, Paul van Steenkiste, Paul Klaassens en Jan Derijk. ’t Is geschreve door Laurence Winter en Hannelore Winter en de meziek is van Wim Roeffen.

De derde plaats is veur “Dao genete weej van” ’n liedje gezónge door Marina Claessen. ’t Is geschreve door Fred van den Boogaard met meziek van Hay Geritz.

Nummer veer in Blierick:”Nemus zoeë gek wie ik” is gezónge door Marco Vaessen. ’t Is geschreve door Frank van den Broek en de meziek is van Hay Geritz.

Alle winnaars gefilliciteerd en vuul plezeer met de optraejes in ’t kómmende Vastelaovesseizoen. De winnende nummers zien vanaf medio november te beluustere via ós CD Spotify!

Aanmelden nieuwsbrief
Cookieinstellingen