Op zôndig 23 fibberwarie wuërt door Vg. D’n Oeles ‘t Sambal georganiseerd met as thema “Vrinde van ‘t Sambal Live”. ’t Deurt nag effe veurdet dit broésende bal met optraejes van ônger angere Sandra & Marco, Beppie Kraft, Big Benny en Linke Mik plaats zal vinge, maar op zaoterdig 18 jannewarie zal beej kefee Sintermerte de Preej-party Sambal, ofwaal de veurverkoup zien van dit evenement.
Kefee Sintermerte aan de Sint Martinussjtroat aöpent de deure um 20.00 oor en um 21.00 oor zal de offisjiële verkoup sjtarte veur persoëne vanaaf 16 jaor. De kaarte kenne daen aovend gekôch waere veur 10 euro per sjtök, terwiël de kaarte normaliéter 11 euro per sjtök koste. Nao de veurverkoup zien de kaarte te koup beej Bakker Bart en Plus Verbeeten.
Tiédes dezen aovend koste tösse tiën en twellef oor de shotjes sjlechs éinen euro per sjtök. Natuërlik wuërt d’r auch veur de nuëdige muziek gezörg dezen aovend.
